Әлеуметтік маңызды жобаларға бөлінген бюджеттік қаражаттарды пайдалану, оның ішінде оларды игеру туралы ақпарат

Тұрғын-үй коммуналдық шаруашылығы саласындағы Ақтөбе облысының тұрғын-үй коммуналдық шаруашылығы басқармасының ақпараты
Тұрғын-үй коммуналдық шаруашылығы саласының негізгі көрсеткіштері халықтың ресурстарға (газ, су, жылу, электр энергиясы) қол жетімділігі, коммуналдық желілердің тозуы, өндіру және тұтыну теңгерімін қамтамасыз ету болып табылады.
ГАЗБЕН ЖАБДЫҚТАУ
Газ құбырларының жалпы ұзындығы 6 270 км құрайды. Ақтөбе облысының 375 елді мекенінен 115 (облыстың жалпы елді мекендер санының 30,67%-ы) газдандырылған немесе 752 946 адам (облыстың халық санының 88%-ы) табиғи газбен қамтамасыз етілген. Облыстың барлық аудан орталықтары газдандырылған.
2017 жылы облыстық бюджет қаражаты есебінен жалпы құны 766,9 млн.теңгеге 6 жоба жүзеге асырылып, іске қосылды.
Нәтижесінде, 2017 жылы халық саны 2 700 астам адамды құрайтын 5 ауыл газбен жабдықталды.
2017 жылы облыстық бюджеттен жалпы құны 392,3 млн. теңгені құрайтын 2 ауыспалы жобалардың жүзеге асырылуы басталды.
Бұл нысандарды пайдалануға енгізу 2018 жылдың аяғына дейін жоспарланған.
2017 жылы Ақтөбе облысының әкімдігі мен «ҚазМұнайГаз» ҰК АҚ, «ҚазТрансГаз» АҚ арасында жасалған Меморандум аясында Ақтөбе қаласында өнімділігі 300 мың және Алға қаласында өнімділігі 30 мың автоматтандырылған газтаратқыш станциялар (АГТС) салынды. Ақтөбе қаласындағы АГТС-300 Қазақстан бойынша ең қуатты болып табылады.
2017 жылы 11,2 млрд. теңгеге «Бозой» газды жерасты сақтау жерінде газды құрғату құрылғысын салу жобасы аяқталды.
Жалпы халық саны 8 614 адам 10 елді мекенді газдандыру бойынша «ҚазТрансГаз» АҚ-мен жалпы құны 7,2 млрд.теңгеге қосымша Меморандумға қол қою мәселесі пысықталуда.
2017 жылы жалпы сметалық құны 16,9 млрд.теңге «Ақтөбе облысы Ақтөбе қаласындағы канализациялық тазарту құрылыстарын жаңғырту» техникалық-экономикалық негіздемесі әзірленіп, мемлекеттік сараптаманың оң қорытындысы алынды.
Бюджеттік қаражат есебінен Байғанин ауданының Кемерші, Жарлы, Темір ауданының Тасқопа, Қобда ауданының Жанаталап, Жарсай, Терісаққан,Сарыбұлақ, Мәртөк ауданының Вознесеновка, Веренка, Ырғыз ауданының Ақши, Құрылыс, Шеңбертал, Әйтеке би ауданының Талдысай, Ойыл ауданының Бестамақ, Мұғалжар ауданының Қаракөл ауылдарын газдандыру үшін жобалық-сметалық құжаттамалар әзірленуде.
2018 жылға жоспар
2018-2019 жылдары жалпы сметалық құны 6,75 млрд.теңгені құрайтын 19 газбен жабдықтау жобаларын жүзеге асыру жоспарланған. Бұл жобалардың басталуына 2018 жылға барлығы 1,2 млрд. теңге қаражат бөлінді, оның ішінде 815,1 млн. тенге облыстық бюджеттен, 400,0 млн. теңге республикалық бюджеттен. Қазіргі таңда құрылыс-монтаж жұмыстарын жүргізуге мемлекеттік сатып алулар бойынша конкурстық рәсімдер өткізілуде.
Жоғарыда аталған жобаларды жүзеге асыру нәтижесінде, халық саны 8 000 адам 12 ауылдық елді мекендер газдандырылады, халықтың табиғи газбен қамтамасыз етілуі 0,9%-ға, елді мекендердің 3,2%-ға өсіп, сәйкесінше 88,9% және 33,9% құрайтын болады.
Сондай-ақ, Мұғалжар ауданының Жұрын, Қаракөл, Байғанин ауданының Ноғайты, Алға ауданының Сарықобда, Болгарка, Қарғалы ауданының Алимбетовка, Ашілісай ауылдарын газдандыру үшін жобалық-сметалық құжаттамалар әзірлеуге 2018 жылға бюджеттен қаражат бөлінді.
Қазіргі таңда, 31 газбен жабдықтау жобаларын және «Ақтөбе облысы Ақтөбе қаласындағы канализациялық тазарту құрылыстарын жаңғырту» жобасын мемлекеттік-жеке әріптестік шеңберінде жүзеге асыру мүмкіндігі пысықталуда. Әлеуетті жеке серіктестермен келіссөздер жүргізілуде, оның ішінде жобаның тиімділігі, қаржыландыру сызбалары қарастырылуда.
Сонымен қатар, МЖӘ шеңберінде жоғарыда аталған 31 газбен жабдықтау жобаларын жүзеге асыру бойынша инвестициялық ұсынымдар облыстық экономика және бюджеттік жоспарлау басқармасына алдын-ала жолданды.
СУМЕН ЖАБДЫҚТАУ ЖӘНЕ СУ БҰРУ ЖҮЙЕЛЕРІ
Ақтөбе облысында барлығы 375 елдімекен бар, оның ішінде барлық қалалық елдімекендер және 172 ауылдық елдімекендер орталықтандырылған сумен қамтылған, 195 АЕМ орталықтандырылмаған сумен жабдықталған. Қазіргі таңда ҚР АШМ Су ресурстары Комитетінің «КазВодХоз» РММ-сі атынан ауылдық елді мекендерді орталықтандырылған сумен жабдықтау үшін бірыңғай оператор құру сұрағы пысықталуда.
Облыстық су құбыры желісінің ұзындығы 3 537,5 шақырымды құрайды.
2017 жылдың қорытындысы бойынша орталықтандырылған сумен жабдықтау қолжетімділігі қалалық елдімекендерде 100%, ал ауылдық елдімекендерде 79,5% құрайды және орталықтандырылған су бұру қолжетімділігі қалалық елдімекендерде 99,5%, ал ауылдық елдімекендерде 24,1% құрайды.
Жалпы облыстың сумен жабдықтау және су бұру желілерін дамытуға 2017 жылы 6,6 млрд. теңге бөлінді. Олардың ішінде «Нұрлы Жол» бағдарламасы аясында жалпы сомасы 2,8 млрд. теңгеге 10 жоба және 3,8 млрд. теңгеге 20 жоба «2020 жылдарға дейінгі өңірлерді дамыту» бағдарламасы аясында жүзеге асырылуда.
Қазіргі таңда 17 нысан іске қосылды, 13 жоба (3 жоба «Нұрлы жол» және 10 жоба «Өңірлерді дамытудың 2020 жылға дейінгі» бағдарламалары аясында) 2018 жылға ауыспалы болып табылады.
Бұл жобаларды іске асыру сумен жабдықтау желілерінің тозуын 3,0%-ға (38,3%-дан 35,3%-ға дейін), су бұру желілерінің тозуын 1,1%-ға (58,6%-дан 57,9%-ға дейін) төмендетуге, сондай-ақ 92,6% халықты орталықтандырылған сумен жабдықтау жүйесімен қамтамасыз етуге мүмкіндік береді.
Одан басқа, 2017-2018 жылдары «Ақбұлақ» АҚ республикалық, облыстық бюджеттердің қосымша қаржыландыруы және Еуропалық қайта құру және даму банкінің несиелік ресурстарынан қаржыландыру есебінен жалпы сомасы 3,9 млрд.теңгеге облыс орталығының сумен жабдықтау нысандары қайта жаңғыртылатын болады.
2018 жылға жоспар
2018 жылы сумен жабдықтау және су бұру желілерін дамытуға барлығы 5,7 млрд. теңге қарастырылған.
Республикалық бюджеттен 2018 жылы 4,8 млрд. теңгеге 20 жобаның іске асырылуы қолдау тапты.
20 ауылда су құбырлары жүйелерінің құрылысы: Қобда ауданының Талдысай және Калиновка ауылдары, Темір ауданы Құмқұдық ауылы, Мұғалжар ауданы Қаракөл, Сағашилі, Бұлақты, Жағабұлақ ауылдары және Қандыағаш қаласы, Байғанин ауданы Оймауыт, Ебейті, Кемерші, Миялы және Жарқамыс ауылдары, Ырғыз ауданы Ақши ауылы, Ойыл ауданы Амангелді ауылы, Қарғалы ауданы Қос-Естек және Бадамша ауылдары, Алға ауданы Қарақұдық ауылы, Әйтеке би ауданы Талдысай ауылы, Хромтау ауданының Табантал ауылдары.
Аталған жобалар «Өңірлерді дамытудың 2020 жылдарға дейінгі» және Нұрлы жол бағдарламалары аясында іске асырылуда.
2018 жылы облыстық бюджеттен Ырғыз ауданы Белшер ауылында 54,1 млн теңге құрайтын су құбыры желілерінің құрылысын аяқтау жоспарлануда.
Одан басқа, 119,4 млн. теңгеге сумен жабдықтаудың жаңа 2 жобасы 2018 жылға қарастырылған, (Ойыл ауданы Құмжарған ауылы, Ш.Берсиев а/о Ақжар және Қайыңды ауылы) қаражат қажет. Су құбырларының жалпы ұзындығы 20,2 шақырымды құрайды.
Шалқар ауданы Қайдауыл, Ақтан батыр, Мөңке би, М.Шиманұлы ауылы, Қауылжыр, Көпмола, Жылан, 1030 км, рзд.Кең дала станциялары, Әйтеке би ауданы Толыбай ауылы, Алға ауданы Тоқмансай ауылы, Мәртөк ауданы Ақмоласай және Родниковка ауылдарында су құбыры құрылысы және қайта жаңарту жұмыстарын жүргізуге ЖСҚ дайындауға және мемлекеттік сараптамадан өткізуге – 119,1 млн. теңге бөлінді.
Түпкілікті нәтижесі, тұрғындардың орталықтандырылған суға қол жетімділігін 1,6% - ға көтеру болып табылады.
ЭЛЕКТРМЕН ЖАБДЫҚТАУ
Облыс бойынша электр беріліс желісінің жалпы ұзындығы – 17 371 км., оның ішінде негізгі бөлігі «Энергосистема» ЖШС өңірлік электржелілік компаниясына тиесілі -14 798,2 км.
Құрылғылардың орташа қызмет мерзімін ескеретін болсақ – 20-50 жыл, қазіргі таңда электр беріліс желілерінің тозуы - 61,5%, ҚС жәнеКҚС қондырғыларының тозуы - 40% құрайды.
Энергетикалық нысандардың тозуын төмендету мақсатында бекітілген тарифтік смета және 2017 жылға арналған инвестициялық бағдарлама шеңберінде «Энергосистема» ЖШС жалпы құны 391,3 млн.теңге болатын 972,81 км электр желісін, 34 дана түрлі кернеулі ҚС, 114 дана күштік трансформатор, 94 дана 6-10/0,4 кВ КТҚС және ТҚС жөндеу жұмыстарын жүргізу жоспарланған.
Даму перспективасы
«Нұр-Ақтөбе» мөлтек ауданының электрмен жабдықтаудың сенімділігін жақсарту және тұрғындарын үздіксіз электр энергиясымен қамтамасыз ету мақсатында, 2018 жылы жалпы сомасы 3,5 млрд. теңгені құрайтын 3 жобаның жүзеге асырылуы жоспарлануда: Ақтөбе қаласы "Нұр-Ақтөбе" шағын ауданы аумағындағы қазандықты кеңейту;
Ақтөбе қаласы "Ақтөбе-Сити" шағын ауданына "Восточная" ПС 110/10 кВ құрылысымен ВЛ-110 кВ сыртқы алаңдық электрмен қамту желілерін салу; Ақтөбе қаласының "Ақжар-2" 220/110/35/10 кВ қосалқы стансасын кеңейту.
Жаңа тұрғын-үйлер мен әлеуметтік нысандардың жаппай құрылысына және жаңа кәсіпорындардың көптеп ашылуына байланысты, басқармамен 2018 жылы электр желілерінің даму схемасын әзірлеу жоспарлануда.
Жаңа даму схемасын әзірлеу келешекте энергетикалық жүйенің сенімді жұмыс істеуіне, сондай-ақ энергетикалық жүйеде өндіріс пен тұтыну арасындағы теңгерімді, құрылыс жоспарын үйлестіру және жаңа нысандарды іске қосуды, электр энергетика саласындағы мемлекеттік саясатты үйлестіру кезінде мемлекеттік органдардың қызметінақпаратты түрде қамтамасыз етуге, отын-энергетикалық кешенін дамыту жоспарын үйлестіруге мүмкіндік береді.